Македонски
Како што објави „Њујорк тајмс“, извор на ЦИА во Венецуела помогнал во пронаоѓањето на локацијата на претседателот Николас Мадуро, а американските разузнавачки агенции користеле стелт дронови и извори на терен, за кои била ветена награда од 50 милиони долари.
Весникот објавува дека, според луѓе запознаени со операцијата, извор на ЦИА во венецуелската влада ја следел локацијата на Мадуро во деновите и моментите пред неговото апсење од страна на американските специјални оперативни сили.
Изворите велат дека американската шпионска агенција ги собрала разузнавачките информации што доведоа до апсењето на Мадуро, следејќи ја неговата позиција и движења со флота стелт дронови што обезбедувале речиси постојан надзор на Венецуела, покрај информациите што ги дале нејзините венецуелски извори.
Не е јасно како ЦИА го регрутирала венецуелскиот извор кој ги известил Американците за локацијата Мадуро. Но, поранешни функционери велат дека агенцијата очигледно била потпомогната со наградата од 50 милиони долари што ја понудила американската влада за информации што довеле до апсењето на Мадуро.
Едно лице запознаено со апсењето на Мадуро изјавило дека тоа е производ на длабоко партнерство меѓу агенцијата и војската и вклучува „месеци внимателно планирање“.
Иако ЦИА одигра клучна улога во планирањето и извршувањето, мисијата беше операција за спроведување на законот од страна на американските воени сили за специјални операции, а не операција спроведена под овластување на агенцијата“ вели изворот.
