Израел лобира до САД да влијаат за руските бази да останат во Сирија

Израел лобира во Соединетите држави да ја одржат Сирија слаба и децентрализирана, вклучително и со тоа што ќе ѝ дозволат на Русија да ги задржи своите воени бази во земјата, со цел да биде контратежа и да се спротивстави на растечкото влијание на Турција во Сирија, за „Тајмс оф Израел“ велат четири извори запознаени со напорите.

Често напорните врски на Турција со Израел имаа сериозно затегнување за време на војната на Израел против Хамас од 7 октомври 2023 година, а израелските власти му порачале на Вашингтон дека новите исламистички власти во Сирија, кои се поддржани од официјална Анкара, претставуваат закана за границите на Израел, велат изворите.

Израел им ги соопштил своите ставови на највисоките американски претставници за време на состаноците во Вашингтон во февруари и последователните состаноци во Израел со претставници на американскиот Конгрес, велат три американски извори и уште едно лице запознаено со контактите. Главните точки им беа доставени и на некои високи американски функционери во израелскиот „бел лист“, велат два од изворите.