Македонски
На меѓуизборите во САД победи Демократската партија, која во јануари ќе има мнозинство во двата дома на американскиот Конгрес, а гласањето го одбележаа и повеќе историски резултати, меѓу кои и изборот на Киша Ленс Ботомс за прва црна жена гувернерка на Џорџија и на Крис Папас за прв отворено деклариран геј сенатор.
Според прелиминарните резултати од изборите одржани вчера, се очекува Киша Ленс Ботомс да стане првата црна гувернерка на Џорџија, првата жена на функцијата гувернер на таа сојузна држава и првата црна гувернерка во историјата на Соединетите Американски Држави, пренесе Си-Ен-Ен. Ботомс, која беше градоначалничка на Атланта од 2018 до 2022 година, беше меѓу жените за кои поранешниот американски претседател Џо Бајден размислуваше како можни кандидатки за потпретседателка на изборите во 2020 година. Таа на изборите го победи Рик Џексон, кој беше поддржан од американскиот претседател Доналд Трамп.
Според проекциите на американскиот портал за следење на изборните резултати „Десижн деск“, се очекува Крис Папас да стане првиот отворено геј сенатор во историјата на САД, по победата во трката за Сенатот во Њу Хемпшир, со што демократите го задржуваат тоа клучно место. Демократскиот кандидат за сенатор од Мичиген, Абдул ел Сајед, исто така прогласи победа, со што, доколку тоа го потврдат и официјалните резултати, ќе стане првиот муслиман избран во американскиот Сенат.
Историски резултати беа постигнати и во други сојузни држави:
– Републиканецот Бајрон Доналдс ќе стане првиот црн гувернер на Флорида, со што во САД ќе има тројца актуелни црни гувернери (заедно со Вес Мур во Мериленд и Киша Ленс Ботомс во Џорџија).
– Џина Хинохоса ќе стане првата латиноамериканска гувернерка на Тексас од 1990 година и трета жена на таа функција.
– Демократката Ејми Актон ќе стане првата жена гувернерка на Охајо и прва од редовите на нејзината партија што победила на тие избори од 2006 година.
– Демократот Ксавиер Бесера ќе стане првиот избран латиноамерикански гувернер на Калифорнија, наследувајќи го Гевин Њусом.
Составот на законодавната власт исто така носи преседани: Ени Ендруз е првата избрана сенаторка од Јужна Каролина (по победата над Дарлин Грејам, која ја презеде функцијата по смртта на нејзиниот брат Линдзи Грејам во јули); Мелат Кирос (29) од Колорадо е првата црна жена во Конгресот од оваа држава и претставничка на генерацијата З (Зет); Адам Хамави е првиот муслимански член на Конгресот од Њу Џерси; Клер Валдез е првата конгресменка од редовите на американските домородни народи од Њујорк; а Џереми Мос е првиот јавно деклариран хомосексуалец од Мичиген во Конгресот.
Дополнително, демократот Адам Хамилтон во Канзас освои сенаторско место за својата партија за првпат од 1932 година, Џејмс Таларико е првиот демократ со сенаторско место во Тексас од 1988 година, додека Трој Џексон во Мејн ја победи републиканката Сузан Колинс, прекинувајќи го нејзиниот речиси 30-годишен мандат.
Изборната трка во Тексас беше најскапата во историјата на САД во година без претседателски избори, со потрошени над 500 милиони долари, при што бизнисменот Илон Маск потроши над 200 милиони долари за поддршка на републиканецот Кен Пакстон, кој ги загуби изборите. Според податоците на Федералната изборна комисија, за целата кампања на изборите на средината од мандатот биле потрошени повеќе од 9,5 милијарди долари.
Гласањето го одбележа и високиот одзив на жените, кои доминантно гласале за демократите. Според анкетата на институтот ССРС за Асошиејтед прес (АП), на изборите излегле 53 отсто жени (од кои 58% гласале за демократите, а 40% за републиканците) и 46 отсто мажи (поделени со по 49% поддршка за двете партии).(МИА)
