Skip to main content

Работнички го сруши МЗТ во „Јане Сандански“

Кошаркарите на Работнички вечерва го добија дербито на седмото коло од Супер лигата триумфирајќи на теренот на шампионот МЗТ Скопје Аеродром со 74:60 (17:16; 18:22; 21:6 и 18:16). Со оваа победа Работнички продолжува со максимален ефект во домашното првенство и се наоѓа на првата позиција, додека МЗТ Скопје Аеродром го претрпе вториот пораз и остана на второто место.

Дербито се одигра во прекрасна атмосфера со присуство на околу 3.000 гледачи. Првиот период мина во изедначена борба и го доби гостинот Работнички со 17:16. Но, на почетокот на следниот период домашниот тим направи серија од 10-0 за водство, кое го зачува до крајот на полувремето – 38:35.

Клучна за победата на лидерот Работнички беше третата четвртина, која ја почнаа со серија од 10-2, а заврши со убедливи 21:6 и по 30 минути беше 44:56. Двоцифрената предност гостинската екипа ја одржуваше и во последниот период, а првакот во 36.минута намали на пет негатива – 59:64. Следуваше серија од 8-0 за Работнички за потврда на победата.

Најефикасен на дуелот беше капитенот на Работнички, Виктор Ефремовски со 17 поени, додека кај МЗТ Скопје А. Најпрецизен беше Адем Мекиќ со 14 поени.

Поврзани вести