И 23 години по воведување на еврото, Германците се уште разменуваат марки

Речиси четврт век по воведување на еврото, Германците сè уште разменуваат големи суми од нивната поранешна валута, според официјалните податоци од Бундесбанката.

Германската централна банка соопшти дека околу 53 милиони марки, вредни околу 27,2 милиони евра биле разменети во 2024 година. Претходната година биле разменети 58 милиони марки.

Германија е една од шесте земји, покрај Австрија, Ирска, Естонија, Литванија и Летонија, кои што сè уште дозволуваат нивните поранешни валути да бидат заменети со евра.

Еврото беше официјално воведено на 1 јануари 2002 година, а сега 20 земји се официјални членки на еврозоната.

23 години подоцна, германската централна банка проценува дека околу 12 милијарди марки сè уште не се разменети.