Триесетдневен притвор за 7 полициски службеници од Штип и Кочани

Судии на претходна постапка при Основниот кривичен суд Скопје, постапувајќи по предлог на Основното јавно обвинителство, за определување мерки за обезбедување присуство против седум лица, службени лица во СВР Штип и Полициската станица од општа надлежнот Кочани, осомничени за кривичното дело Тешки дела против општата сигурност, кои доцна попладнево беа спроведени во судот, донесoa решенија со кои:

„Се прифаќа предлогот на ОЈО и на сите седуммина осомничени, им определи мерка притвор во траење од 30 дена заради постоење на основите од чл. 165 ст.1 т. 1, 2 и точка 3 кај одредени осомничени, односно Опасност од бегство, Околности кои укажуваат дека ќе ја попречат истрагата со влијание врз сведоци и околности кои укажуваат дека може да го повторат делото“, велат од Судот.

Кривичното дело за кое се сомничат е поврзано со издавање согласности за функционирање на дискоклубот во Кочани каде се случи пожарот во кој 59 млади луѓе го загубија животот, а околу 200 луѓе беа повредени.

Против овие решенија странките имаат право на жалба пред Кривичниот совет, велат од Основен кривичен суд Скопје.