Македонски
Темелната истрага со обезбедени доказни материјали од инспекторатите, министерставата и општината, дава надеж дека јавноста за кратко ќе ја дознае вистината и ќе ги утврди вистинските виновници за трагедијата во Кочани.
Како експерт по управно право, професорот Борче Давитковски очекува ваквата истрага да даде одговори и дали и каква вина има и кај екс министерот за економија Крешник Бектеши, но и првиот човек на општината.
Бидејќи има на два пати по 48часовно задржување, бидејќи по она што досега го слушнавме лиценцата ја има потпишано друг, но дали бил инволвиран и министерот со некој вид пристисок на државниот секретар да се потпише и изготви тој документ, тоа истрагата ќе каже. Градоначалникот ако нема некоја директна одговорност во поглед на превземање одредени активности во поглед дали се исполнети условите или не, има и една објективна одговорност, во неговиот град тоа се сторило и добро е што си даде оставка. Во поглед на индивидуалното дали се превземени одредени мерки или не, Кочани не е голем град сигурно тоа диско со години постои, тоа диско е магацин за теписи, без никакви услови и да се толерира таа работа, па и како градоначалник претпоставувам ако не за друго, за гласна музика требало да се реагира, бидејќи и тој има своја инспекциска служба која можела да реагира и да не дојде до ваква ситуација. Тоа ќе биде конкретно негово непревземање активности“ вели професорот Давитковски за Сител.
Професорот смера дека истражните органи во првите 70тина часа од трагедијата во Кочани се на висина на задачата.
Се почитуваат законите и роковите, за кратко време е обезбеден обемен доказен материјал, но брзината во вакви случаи не треба да биде најважна, па токму затоа професрот Давитковски апелира да се намали притисокот врз истражните органи.
Јас се изненадив кога истражните органи, особено полицијата веќе почнаа да го применуваат и законот за локална самоуправа, за трговски друштва за оние лиценци, кои исполнува, кој не исполнува услови, оние кои давале согласности и кои вршеле контрола, тоа е управна материја каде луѓето најмногу се подлежни на корупција и на прекршување на законите. Мислам дека оваа сеопфатна работа што до сега се вршеше сигурно ќе даде резултат. Мислам дека сега треба кај граѓаните една стрпливост и едноставно да не се прават тензии и да се остават полицијата, јавното обвинителство да ја спороведат истрагата“ вели Давитковски.
Со оглед на брзината со која се работи, според професорот доволни ќе бидат следните 48 часа да се обезбедат докази со кои ќе се бара подолг притвор за досега осомничените.
