Македонски
Центар за култура „Марко Цепенков“
Во Центарот за култура „Марко Цепенков” во Прилеп е отворена изложбата „Сувенир” од Милко Нестороски.
Уметникот Милко Нестороски пред прилепчани се претставува со 15 дела изработени од природни предмети.
Делата ги нареков сувенири будејќи претставуваат спомени од природата. Раскажуваат за изобилството на форми на природата и убавината која може да биде пронајдена во нив, од која се повеќе денешното општество е оддалечено, а ја конзумира естетиката на масовно произведените предмети, а и сувенири – вели уметникот, кој живее и твори во Струга.
Изложбата е дел од годишната програма на ЦК „Марко Цепенков” за 2025 г.
