Македонски
Министерот за култура и туризам Зоран Љутков денеска оствари средба со амбасадорот на Црна Гора, Зоран Миљаниќ.
На средбата,Љутков и Миљаниќ разговараа за соработката во областа на културата меѓу двете држави кои негуваат одлични културни врски,а тоа се потврдува преку реализација на низа проекти од областа на актуелното творештво на двете држави.
Во тој контекст, министерот Љутков рече дека репродуктивни уметници и ансамбли редовно гостуваат на позначајните фестивали и манифестации во двете земји. Тој ја истакна соработката во областа на театарската дејност, најавувајќи го претстојното гостување на Драмскиот театар во Тиват во рамките на Регионалната унија на театри „РУТА“, како и гостувањата на Театарот „Јордан Хаџи Константинов-Џинот“ од Велес и на Македонскиот народен театар од Скопје во Подгорица.
На средбата стана збор и за можностите за соработка во областа на туризмот по проширувањето на надлежностите на Министерството во оваа областа, како и за соработката во делот на заштитата на културното наследство.
