Проектот „7/8 – Македонската ритмика“ ќе добие поддршка од Сиљановска Давкова

Денеска остварив средба со реномираните музички уметници Гарабет, Диран и Гаро Тавитјан, соопшти претседателката Гордана Сиљановска Давкова.

Со мене тие ја споделија иницијативата за проектот „7/8 – Македонската ритмика“, чија цел е зачувување, афирмација и меѓународна промоција на еден од највредните столбови на македонскиот идентитет, македонската музичка ритмика.

За нив, специфичните непарни ритми, особено седум осминскиот, но и 9/8, 11/8, се знак за препознавање на македонскиот народ и на Македонците и истите треба соодветно да се заштитат.

Го делам мислењето на музичкото трио за потребата да се негува и штити автентичното македонско наследство и подготвена сум да ги подржам идеите и иницијативите од културен и национален интерес.