Македонски
Балканскиот институт за вера и култура (БИВК), основан во 2011 година, има за мисија
да иницира и поддржува дејности кои критички ги анализираат соодносот меѓу верата
и културата, притоа посочувајќи ги најдобрите теории и пракси за тој сооднос, а преку
кои се подобруваат темелните претпоставки за живот во праведни и слободни
општества и благосостојбата на луѓето кои живеат во нив.
Една од главните програми кои БИВК ги спроведува е програмата „Конекција
Оксфорд” чие мото е „За идеите се работи“ како дел од иницијативите чија конкретна
цел е да се поврзат релевантните институции во Македонија со едно од водечките
места за високо образование во светот. Оваа програма овозможува размена на идеи
меѓу академици, професори, научници, студенти и други интелектуалци. Досега преку
оваа иницијатива во Македонија гостувале над сто научници од Оксфорд, кои
годинава ќе бидат надополнети со уште петтмина други.
Соработката која БИВК ја овозможува не ги поврзува само научниците од Оксфорд со
оние од Македонија, туку со интелектуалци од целиот свет. Многу често, пред да
пристигнат во Оксфорд, нашите гости се образовале на разни места низ светот. Досега
сме имале претставници од сите континенти. Досегашните научници, вклучувајќи ја и
овогодишната група изворно доаѓаат од Австралија, Африка, Азија, Европа, како и
Северна и Јужна Америка. На овој начин партнерите од македонската академска
сцена, со посредство на БИВК се вмрежуваат со свои колеги од целиот свет, со што им
се овозможува сите оние од Македонија со потенцијал и капацитет за врвен дострел
во нивниот академски развој понатамошна комуникација и полесен пристап до
ширење на своите научни достигнувања во светски рамки.
Покрај горенаведената порграма, БИВК самостојно и во соработка со други институции
организира настани кои обработуваат социјални, културни и уметнички теми, а со цел
да се даде придонес во тие сегменти на македонското општество. Меѓу бројните такви
иницијативи ги издвојуваме соработката меѓу БИВК, МАНУ и претставници од
Оксфордскиот Универзитет во организирањето на конференција со наслов „Библијата
и Книжевноста” која се одржа во април 2017. Од 2011 година БИВК оствари. Плодна
соработка со „Иванов школо за млади лидери“. Во 2023 година двајца предавачи
говореа во кабинетот на Претседателот на Република Македонија на темата квантни
компјутери и вештачка интелигенција.
1
