Skip to main content

Гран при за оркестарот „Солисти на ФМУ” и проф. м-р Сашо Татарчевски

Факултет за музичка уметност

Студентите членови на камерниот оркестар „Солисти на ФМУ” под раководство на проф. м-р Сашо Татарчевски освоија златна диплома со 98 поени во натпреварувачката категорија како и Гран При награда на фестивалот Братислава спринг фестивал кој традиционално се одржува во последната третина од месец март во Братислава, главниот град на Словачка. Ова е прво меѓународно натпреварување на овој орекстар во историјата на Факултетот за музичка уметност од Скопје при Универзитетот „Св. Кирил и Методиј”.

Нашиот оркестар настапи на три концерти, а зеде учество и во натпреварувачкиот дел на фестивалот. Врвната подготвеност и извонредниот прием кај публиката и останатите учесници на фестивалот се потврди и со одлуката на жири комисијата на нашиот оркестар да му додели златна диплома со 98 поени во натпреварувачката категорија како и Гран При награда на фестивалот. Во еден навистина тежок период за нас, како факултет, но и за целото општество, ваквото врвно достигнување е нешто што го подигнува духот на студентите, но и на сите млади луѓе, покажувајќи дека со знаење, посветеност и квалитетна работа ништо не е недостижно и невозможно“, велат од Факултетот за музичка уметност.

Овој успех, како што се наведува во соопштението на факултетот е постигнат благодарение на поддршката од Министерството за култура и туризам, како и од Универзитетот „Св. Кирил и Методиј” и е јасен показател за тоа колку е важно да се поддржат оние индивидуи и колективи кои таквата поддршка стално ја оплодуваат со врвни достигнувања.

Поврзани вести