Skip to main content

Во мобилниот телефон на Кешишев Палчо бил мемориран како „Царот“

Бензинот што го купивме беше наменет за палење на „цитроенот“. Пазевме околу да нема дрва, Палчо го посипа со бензин, а Боре фрли чкорче, го опиша Влатко Кешишев моментот на палење на возилото на Жежовски по убиството на Вања.

Кога Палевски му се јавил да му каже дека е во Турција, Кешишев му рекол „Овде врие од полиција”.

Кога тоа му го кажав веднаш исклучи, се присети Кешишев.

Обвинетелката Јосифовска го праша како се согласил да работи без пари како готвач во партијата.

Прифатив од патриотски аспект да помогнам колку можам. Јас живеев без пари, но имавме помош од членови, имавме храна и тутун и платени телефони, објасни Кешишев.

За дупката кај Велес

Кога ми кажа Вељо зошто е дупката и оти никој не смее да знае, оти може да летаат глаави, така разбрав за што е намената. Договорот беше меѓу Палчо и Вељо, тие го одбраа местото.

За пиштолот на Палчо

Гледав пиштол во седиштето на Десна. Тоа беше пиштолот што подоцна му го одземаа на Палчо во Демир Капија. И таму баравме злато во една пештера. Боре и Вељо влегоа во пештерата а јас и Палчо чекавме на еден ѕид од цемент каде што помунува возот и запалиме цигара. Дојде полиција, го најдоа пиштолот на Палчо, рече, дека е негов. Отидовме во Неготино да даде изјава Палчо и се вративме во Скопје.

Тој на прашање на обвинителката дали му е чудно што не носел мобилен со себе за време на двете убиства.

Ми рекоа да го оставам мобилниот во штабот бидејќи имаме мотороли. За убиство нилогаш не станало збор. Кога дознав за убиството не пријавив никаде бидејќи не можев да го напуштам штабот, рече Кешишев.

Царот

Во мобилниот телефон на Кешишев Палчо му бил мемориран „Царот“. Обвинителката го праша: „Дали толку многу го почитувавте?“

Па да, одговори Кешишев.

Поврзани вести