Пет дена пред да биде грабната Вања, „цитроенот“ заедно со „кангуто“ тргнале од Велес за Скопје

На 22 ноември 2023 година од камерата на една куќа од Велес е извадена снимка која може да помогне во расветлување на убиството на Панче Жежовски. Денеска е презентирана на рочиштето на кое се прикажуваат видеодокази за случајот со убиствата на 74-годишниот велешанец и 14-годишната Вања Ѓорчевска.

На снимката прикажана од Обвинителството се гледа дека во 10 часот и 5 минути, возилото „рено кангу“ минува пред куќата. 14 секунди потоа на истата локација минува и „цитроенот“.

Овој датум е важен бидејќи тогаш е убиен Панче Жежовски.

На друга снимка од хотелот „Романтик“ кај езерото Младост“ кај Велес во 10 часот и 15 се гледа „кангуто“, а по него и „цитроенот“ на Жежовски како заминуваат во правец кон Скопје.