Ракометна федерација на Македонија: Кога ги имаш најдобрите навивачи во светот сѐ е полесно

Ракометната федерација на Македонија им се заблагодари на навивачите кои им ја даваат неопходната поддршка на ракометарите во Вараждин за време на натпреварите од Светското првенство.

Македонските навивачи доминираа на мечот против Унгарија, нашите ракометари играа на домашен терен, а се очекува бројот на Фалангата да биде уште поголем за дуелите со Холандија и Гвинеја.

„Кога ги имаш најдобрите навивачи во светот сѐ е полесно. За атмосферата во Вараждин уште долго време ќе се зборува. Вие сте нашата сила“, напишаа од РФМ.

Денеска Македонија од 18 часот го игра вториот меч на Светското првенство, противник е селекцијата на Холандија.