Македонски
Ни претставува особена чест да Ве поканиме да присуствувате на настанот „Одбројување 100 дена до ЕМОФ“, кој ќе се одржи утре, 12 април (сабота), во трговскиот центар Ист Гејт Мол во Скопје, со почеток во 12:00 часот.
Овој настан го одбележува почетокот на одбројувањето до Европскиот младински олимписки фестивал – ЕМОФ Скопје 2025, најголемиот спортски настан во историјата на нашата држава, кој ќе се одржи од 20 до 26 јули.
Програмата вклучува спортски и забавни активности за сите возрасти, како турнири во 3х3 баскет, интерактивни работилници и презентации поврзани со олимписките вредности. Настанот има и хуманитарен карактер, со посебен фокус на поддршка на семејствата погодени од неодамнешната трагедија во Кочани.
Настанот „100 дена до ЕМОФ“ претставува одлична можност за младите и сите љубители на спортот да се запознаат поблиску со концептот на Европскиот младински олимписки фестивал, неговото значење и влијание врз младинскиот спорт во Европа. Преку учество во планираните активности, посетителите ќе можат да го почувствуваат олимпискиот дух и да станат дел од одбројувањето до почетокот на фестивалот. Оваа манифестација е исто така и повик до сите заинтересирани да се вклучат како волонтери или поддржувачи на ЕМОФ Скопје 2025, придонесувајќи кон успешна организација и реализација на настанот.
Со оглед на значењето на ЕМОФ Скопје 2025 како најголем спортски настан во историјата на Македонија, ваквите активности се од суштинско значење за мобилизирање на заедницата, промоција на спортските вредности и создавање на позитивна енергија која ќе го одбележи целиот фестивал. Ве охрабруваме да бидете дел од оваа манифестација и да придонесете кон промоцијата на младинскиот спорт и олимписките вредности во нашата заедница.
Детали за настанот:
- Датум: 12 април 2025 (сабота)
- Време: 12.00 часот
- Локација: Ист Гејт Мол, Скопје
