Македонски
Младиот охриѓанец, Марко Пејчиновски уште еднаш успеа да ја оствари својата нова мисија, и по цели 9 часа и 29 минути пливање ја достигна целта во Охридското Езеро.
Тој вечерва успешно го заврши својот модифициран „Ајронмен“ триатлон кој беше во должина од вкупно 107 километри, а се состоеше од трчање, возење велосипед и пливање.
Со овој подвиг, Марко уште еднаш покажа неверојатна истрајност и љубов и дека кога се сака, се може.
Предзвикот Пејчиновски го започна изминатата ноќ со трчање од Св. Наум до Струга, потоа од таму со велоссипед се врати до Св.Наум каде што го започна последниот дел, пливањето до Охрид.
Трчањето од 42.2 километри Марко го заврши за време од 7 часа и 47 минути. За возењето од Струга назад до Св. Наум му беа потребни два часа и 33. минути.
Најтешкиот предизвик беше последниот дел, пливањето за кое му беа потребни девет часа и 29 минути.
На социјалните мрежи тој им се заблагодари на сите што го следеа и поддржуваа во текот на неговиот предизвик, со зборовите: „Ви благодарам на сите за поддршката“.
Пејчиновски пред почетокот предизвикот во својата најава истакна дека сето ова го прави во потрага по желба за живот.
