Македонските кошаркарски јуниори поразени од Израел на Европското првенство

Јуниорската кошаркарска репрезентација на Македонија претрпе нов пораз на Европското првенство во Белград. Поуспешни од македонските јуниори (играчи до 18 години) беа нивните врсници од Израел со 85:73. Резултат по четвртини: 26:16; 23:22; 22:22 и 14:13.

Првата четвртина која македонскиот тим ја загуби со десет негатива се покажа како решавачка особено што Македонија во текот на целиот натпревар се обидуваше да ја стигне предноста на противникот. Најблиску беше на две минути пред крајот кога намали на 73:77, но сепак избраниците на селекторот Горан Андреевски немаа сили за пресврт.

Најдобар во македонскиот тим беше Дамјан Данев со 23 поени и 8 скокови.

Македонија до крајот на шампионатот ќе разигрува за пласман од 13-16.место, а за опстанок во А дивизијата потребни се две победи во последните два натпревара.