Го наполни кошот на Филаделфија: Раѓањето на ќерката позитивно влијае на Дончиќ

 Кошаркарот на Лос Анџелес лејкерс, Лука Дончиќ, оствари трипл-дабл во победата од 112:108 ноќеска над Филаделфија на гостински терен.

Дваесет и шестгодишниот Словенец постигна 31 поен, 15 скока и 11 асистенции.

Ова беше првиот натпревар на Дончиќ по раѓањето на неговата втора ќерка. 

Претходно, словенечкиот кошаркар ги пропушти натпреварите на Лејкерс против Торонто (123:120) и Бостон (105:126).

Дончиќ одигра 17 натпревари во НБА сезоната 2025/26, со просек од 35 поени, 9,2 скока и 9,1 асистенции по натпревар.