Зајков ја продолжува кариерата во Обединети Арапски Емирати

Фрипик

Македонскиот фудбалски репрезентативец Ѓоко Зајков ја продолжува кариерата во Обединетите Арапски Емирати, откако денеска потпиша договор со прволигашот Ајман.

Зајков се пресели во Обединетите Арапски Емирати без обесштетување откако му истече договорот со романска Универзитатеа Крајова.

Триесетгодишниот македонски репрезентативен стопер го носеше дресот на романскиот клуб изминатите три сезони во кои одигра 59 натпревари за клубот од Крајова.

Зајков, кој во националниот дрес досега зад себе има 39 натпревари, на клупски план настапуваше и за Работнички, Ворскла, Шарлроа, Левски и софиска Славија.