Вардар ќе го повлече дресот со број 11 во чест на Васил Рингов

Фудбалскиот клуб Вардар ќе го повлече бројот 11 во чест на легендата на клубот, Васил Рингов кој во вторникот по кратко боледување почина на 70-годишна возраст. Рингов ќе стане првиот фудбалер во историјата на клубот на кого Вардар му го повлекува дресот објави Sport.com.mk

Оваа сезона бројот 11 го носи 19-годишниот Димитар Данев, а дополнително ќе биде соопштено дали церемонијата ќе се одржи во текот или по завршувањето на сезоната.

Васил Рингов беше дел од Вардар во три наврати, вкупно девет сезони, а својата кариера во „црвено-црниот“ дрес ја заврши во 1987 година.