Гвардиола го сака Вирц од Леверкузен како замена за Де Бруин во Манчестер Сити

Манчестер Сити е заинтересиран за играчот од средниот ред на Баер Леверкузен, Флоријан Вирц, пренесува „Скај Спортс“.

Според информациите, менаџерот на „граѓаните“ Гвардиола е заинтересиран за трансферот на 21-годишниот германски интернационалец, кој го смета Вирц за соодветна замена за Кевин Де Бруин.

Оваа сезона Вирц одигра 35 натпревари во сите натпреварувања, на кои постигна 15 голови и 12 асистенции.

Порталот „Трансфермаркт“ ја проценува неговата пазарна вредност на 140 милиони евра.