Емил Божиновски именуван за нов претседател на судискиот одбор при ФФМ

Управниот одбор на Фудбалската федерација донесе одлука да го именува Емил Божиновски за нов претседател на судискиот одбор.

Тој ќе го замени досегашниот прв човек, Александар Ставрев, а во судискиот одбор влегува и Јосип Бартон, на местото на Дејан Костадинов.

Божиновски е поранешен македонски фудбалски судија и долгогодишен интернационален арбитар со богата кариера на домашната и европската сцена. Судел на натпревари од Лигата на шампионите, Лига Европа и квалификации за големи натпреварувања.

По завршувањето на активното судење, беше контролор на судење на натпревари во организација на УЕФА и ФИФА.