Македонски
Концерт на ДУВАЧКИОТ КВАРТЕТ „КОНСОНАНС“
Елена Дојчинова – флејта
Маја Кастратовиќ – англиски рог
Здравко Ангелов – кларинет
Сашко Темелковски – бас кларинет
Четврток, 9 октомври 2025, 20 часот
Музеј на македонската борба
Програма
Филип Иванов: МАКЕДОНСКИ ТАНЦИ И СТАРА ПЕСНА, Љубомир Бранѓолица: МЕДИТЕРАНСКА СУИТА за дувачко трио, Ангел Спироски: WHAT WAS SUNG ON THE BACK OF THE WHALE 59.0312872, 10.0576327, Бојана Петровиќ Алексова:ostCinLato, Валентина Велковска Трајановска: SВЕЗДЕН ТРАГ, Благој Цанев: ДЕВЕТ МИНИЈАТУРИ за дувачки квартет
Дувачки квартет „Консонанс“
Формиран во 2007 година, квартетот „Консонанс“ претставува една од ретките формации во Македонија посветени на континуирано развивање и афирмирање на камерниот репертоар за дрвени дувачки ансамбли. Основан од инструменталисти на Филхармонијата, со текот на годините ансамблот развива јасен интерпретациски идентитет, во кој индивидуалните искуства на музичарите се вкрстуваат во заедничка звучна целина. Нивната работа се одликува со аналитички и истражувачки пристап кон репертоарот за дрвени дувачки инструменти, преку кој камерната музика се согледува во современ интерпретациски контекст и се отвораат нови можности за нејзин развој во македонскиот музички простор.
Елена Дојчинова, флејта, е вработена во оркестарот на НУ Филхармонија како прва флејта. Покрај својата оркестарска дејност таа е активна и на камерната сцена, настапувајќи со повеќе ансамбли, како и како солистка.
Маја Чанаќевиќ, англиски рог, долги години делува во оркестарот на НУ Филхармонија, каде што ја извршува функцијата англиски рог и обоа. Нејзината уметничка активност не се ограничува само на оркестарското музицирање, туку вклучува и солистички настапи и редовна соработка во камерни состави.
Здравко Ангелов, кларинет, е долгогодишен прв кларинетист и солист на НУ Филхармонија. Неговиот изразен солистички пристап постојано е проследен со ангажман во камерната музика, а тој воедно е и водач на ансамблот „Консонанс“.
Сашко Темелковски, бас кларинет, е дел од НУ Филхармонија како бас кларинетист и кларинетист. Неговата активност вклучува и снимање на оркестарска музика, како и постојана посветеност на камерното музицирање. Тој е член на ансамблот „Консонанс“ од неговото основање.
Квартет „Консонанс“, приватна архива
Искуството од долгогодишното оркестарско музицирање им дава на членовите дисциплина и сигурност, додека камерната практика им овозможува поголема флексибилност и простор за уметнички дијалог. Токму таа комбинација создава изведбен идентитет во кој прецизноста се надополнува со интимна комуникација меѓу инструментите. Репертоарот на ансамблот опфаќа дела од класичната литература за дувачки состави до современи партитури, со особен интерес за македонската музика од поновиот период, која редовно ја претставуваат на фестивали дома и во странство.
Дваесетина години по своето основање, „Консонанс“ останува редок и важен пример за континуирана камерна активност на македонската сцена, воспоставувајќи континуитет во изведбата и развојот на камерната литература за дрвени дувачки инструменти.
Влезот на концертот е слободен.
