Македонски
На 27 октомври Кинотеката се приклучи кон светското одбележување на Светскиот ден на аудиовизуелното наследство, заедно со архивите, кинотеките и филмските музеи низ целиот свет.
Во кинотечното кино се одржа промоцијата на блуреј изданието на филмот МИС СТОН (1958) на Живорад Жика Митровиќ – едно од најзначајните дела на македонската кинематографија. Овој настан беше дел од активностите со кои Кинотеката го потенцира значењето и потребата од заштита на филмското културно наследство.
До крајот на октомври, публиката ќе има можност да ги погледне и македонските филмски класици што оваа година одбележуваат јубилеи: Денови на искушение, Волчја ноќ, Оловна бригада, Контакт, Ангели на отпад и Јад.
