Македонски
Во рамките на јануарската програма, Кинотека на Македонија ги кани најмладите и нивните семејства на специјалниот темат „КИНО УТРО“. Оваа иницијатива нуди незаборавно филмско доживување за децата и младите, исполнето со авантури, смеа и инспиративни приказни преку внимателно избрани анимирани и детски филмови.
Во рамките на програмата на КИНО УТРО ќе бидат прикажани и следните неколку остварувања:
„Јон против галаксијата“ (реж. Гоце Цветановски)
Оваа македонска анимација ја носи приказната за храбриот Јон, кој мора да се соочи со вселенски предизвици за да ја спаси планетата Земја. Со многу фантазија и акција, филмот пренесува важни пораки за храброста и одговорноста.
„Мечето Падингтон“
Симпатичното меченце од Перу, кое се обидува да се снајде во Лондон, носи топлина и хумор во секој кадар. Оваа приказна за пријателството и прифаќањето е совршена за гледачи од сите возрасти.
„Божиќната магија на животните“
Анимирано ремек-дело кое ја истражува магијата на празниците преку очите на животните, истовремено нагласувајќи ја важноста на сочувството и љубовта.
„Кариран нинџа 2“
Возбудливо продолжение на популарниот анимиран хит, каде што карираниот нинџа повторно се враќа во акција за да им помогне на своите пријатели. Филмот ја нагласува важноста на храброста и верноста.
„Дедо Мраз супер херој“
Замислете го Дедо Мраз како суперхерој! Овој филм ја пренесува магијата на празниците преку необична и забавна перспектива.
„Соништата на еден робот“
Емотивна анимација која ја истражува темата за самоспознанието и технологијата, преку приказна за робот кој сака да го разбере човечкиот свет.
Тематот „КИНО УТРО“ има за цел да ги доближи најмладите до филмската уметност и да го разбуди нивниот интерес за киното како посебно доживување. Овие проекции не се само забава – тие се и можност за учење, развој на фантазијата и градење на емоционална интелигенција.
Денешните деца, кои растат во дигиталната ера, заслужуваат да ја доживеат магијата на киното – местото каде што светот на фантазијата оживува на големиот екран. Поттикнувањето на љубовта кон киното кај најмладите е не само едукативен, туку и културен чин, кој им помага да ја разберат важноста на уметноста и раскажувањето приказни.
Кинотека на Македонија со „КИНО УТРО“ ја исполнува оваа мисија и испраќа порака дека заедничкото кино искуство е бесценет подарок за секое дете.
9 ЈАНУАРИ (ЧЕТВРТОК) 11:00 ч.
13 ЈАНУАРИ (ПОНЕДЕЛНИК) 18:00 ч.
14 ЈАНУАРИ (ВТОРНИК) 18:00 ч.
15 ЈАНУАРИ (ВТОРНИК) 14:00 ч.
КИНО УТРО
ЈОН ВАРДАР ПРОТИВ ГАЛАКСИЈАТА
(John Vardar Against the Galaxy)
Игран анимиран филм, Македонија,
2024, 85 мин., колор, ДЦП
Режисер: Гоце Цветановски (Goce Cvetanovski)
Сценарио: Гоце Цветановски (Goce Cvetanovski)
Улоги: Атанас Атанасовски, Дамјан Цветановски, Елена Тарчуговска, Емилија Мицевска, Жарко Димоски, Мартин Ѓоргоски, Слаѓана Вујошевиќ, Тони Денковски, Филип Трајковиќ (Atanas Atanasovski, Damjan Cvetanovski, Elena Tarchugovska, Emilija Micevska, Zarko Dimovski, Martin Gjorgoski, Sladjana Vujoshevic, Toni Denkovski, Filip Trajkovic)
Јон е потпросечно интелигентен човек од Земјата. Зарк е нарцисоиден мегаломан – робот кој патува низ вселената и собира примероци за својата интергалактичка Зоолошка градина. Кога двајцата ќе се спојат, ќе настане хаос. Двајцата ќе ги здружат силите за да спречат најопасното оружје во Галаксијата да не падне во погрешни раце. Необичното дуо ќе тргне на вселенско патување исполнето со вонземјани, чудовишта, црни дупки и можен крај на севкупната егзистенција.
Возрасна категорија: 12 години
Влезница: 150 денари
9 ЈАНУАРИ (ЧЕТВРТОК) 14:00 ч.
11 JАНУАРИ (САБОТА) 11:00 ч.
15 ЈАНУАРИ (СРЕДА) 18:00 ч.
16 ЈАНУАРИ (ЧЕТВРТОК) 18:00 ч.
КИНО УТРО
МЕЧЕТО ПАДИНГТОН ВО ЏУНГЛАТА
(Paddington in Peru)
Игран филм, САД,
2024, 106 мин., колор, ДЦП
Режисер: Даглас Вилсон (Dougal Wilson)
Сценарио: Марк Бартон, Џон Фостер, Џејмс Ламонт (Mark Burton, Jon Foster, James Lamont)
Улоги: Хју Бонвил, Џим Броадбент, Емили Мортимер, Имелда Стаунтон, Оливиа Колман, Антонио Бандерас Бен Висшоу, Џули Валтерс, Семјуел Џослин, Мадлен Харис, Карла Тус (Hugh Bonneville, Jim Broadbent, Emily Mortimer, Imelda Staunton, Olivia Colman, Antonio Banderas, Ben Whishaw, Julie Walters, Samuel Joslin, Madeleine Harris, Carla Tous)
Кога Педингтон дознава дека неговата сакана тетка Луси исчезнала од Домот за пензионирани мечки, тој и Браунови одат во дивините на Перу да ја бараат, со единствена трага за неа во една точка обележана на една загадочна карта. Решен да ја реши мистеријата, Педингтон се впушта во возбудлива потрага низ прашумите на Амазон за да ја најде тетка си… и може да открие и едно од најлегендарните богатства на светот. Во третиот филм за Мечето Педингтон играат Хју Бонвил, Емили Мортимер, Џули Волтерс, Џими Бродбент, Имелда Стонтон, Карла Тус, Мадлин Харис, Самуел Џослин, Оливија Колман, Антонио Бандерас и Бен Вишо повторно како гласот на Педингтон.
Возрасна категорија: 7 години
Влезница: 150 денари
9 ЈАНУАРИ (ЧЕТВРТОК) 18:00 ч.
11 JАНУАРИ (САБОТА) 18:00 ч.
14 ЈАНУАРИ (ВТОРНИК) 14:00 ч.
КИНО УТРО
ПЛАНЕТА 7693
(Planeta 7693)
Игран филм, Црна Гора, Србија, Македонија
2024, 110 мин., колор, ДЦП
Режисер: Гојко Беркуљан (Gojko Berkuljan)
Сценарио: Ана Вујадиновиќ (Ana Vujadinović)
Улоги: Илија Пејаковиќ, Андрија Кузмановиќ, Кристина Обрадовиќ, Мара Ракчевиќ, Хана Иванишевиќ, Дејан Ѓоновиќ (Ilija Pejaković, Andrija Kuzmanović, Kristina Obradović, Mara Rakčević, Hana Ivanišević, Dejan Đonović)
Лука (9) живее со родителите и поголемата сестра во живописно соседство во предградието. По еден настан во неговото навидум хармонично семејство, недоразбирањата насобрани низ годините излегуваат на површина и предизвикуваат низа конфликти. Ткивото на семејството се кине. Лука бара начин како да ги поправи нарушените односи, повлекувајќи се во светот на „супер моќите“ и фантазијата, каде го запознава мистериозното девојче по име „7693“.
Возрасна категорија: 12 години
Влезница: 150 денари
10 ЈАНУАРИ (ПЕТОК) 11:00 ч.
13 ЈАНУАРИ (ПОНЕДЕЛНИК) 11:00 ч.
16 ЈАНУАРИ (ЧЕТВРТОК) 11:00 ч.
КИНО УТРО
БОЖИЌНАТА МАГИЈА НА ЖИВОТНИТЕ
(Animal Tales of Christmas Magic)
Игран анимиран филм, Франција,Германија
2024, 68 мин., колор, ДЦП
Режисер: Каролин Атиа, Чејлан Бејоглу, Олесја Шчукина, Харуна Киши, Камил Алмерас, Наталиа Чернишева (Caroline Attia, Ceylan Beyoğlu, Olesya Shchukina, Haruna Kishi, Camille Alméras, Natalia Chernysheva)
Сценарио: Каролин Атиа, Чејлан Бејоглу, Олесја Шчукина, Харуна Киши, Камил Алмерас, Наталиа Чернишева (Caroline Attia, Ceylan Beyoğlu, Olesya Shchukina, Haruna Kishi, Camille Alméras, Natalia Chernysheva)
Волшебни приказни се расплетуваат во „Божикната магија на животните“, каде празничните чуда оживуваат. Нурнете во овие прекрасни и модерни сказни во кои животните тргнуваат на магични патувања од Франција до Јапонија, до Далечниот север и неговата поларна светлина, ширејќи радост и великодушност. Секоја приказна е чудна и шармантна авантура зачинета со хумор и убавина специфична за зимската сезона. Дозволете поезијата да ви го плени срцето и да ве пренесе во свет каде божиќната магија нема граници.
За сите возрасти
Влезница: 150 денари
10 ЈАНУАРИ (ПЕТОК) 14:00 ч.
КИНО УТРО
КАРИРАН НИНЏА 2
(Ternet ninja / Checkered Ninja)
Игран анимиран филм, Данска,
2021, 86 мин., колор, ДЦП
Режисер: Андерс Матесен и Торбјорн Кристоферсен (Thorbjørn Christoffersen, Anders Matthesen)
Сценарио: Андерс Матесен (Anders Matthesen)
Во „Кариран Нинџа 2“ повторно ги следиме Алекс и неговата карирана нинџа кукла во нивната мисија против злобниот Филип Еперминт. Кога Еперминт ќе успее да ја избегне затворската казна во Тајланд, карираниот нинџа повторно оживува и го наоѓа Алекс. Заедно, со помош на семејството на Алекс, тие заминуваат за Тајланд за да го изведат злосторникот пред правдата. Алекс и неговата нинџа кукла ќе се впуштат во опасна мисија каде што нивното пријателство ќе биде ставено на сериозен тест.
Возрасна категорија: 7 години
Влезница: 150 денари
10 ЈАНУАРИ (ПЕТОК) 18:00 ч.
11 JАНУАРИ (САБОТА) 14:00 ч.
14 ЈАНУАРИ (ВТОРНИК) 11:00 ч.
15ЈАНУАРИ (СРЕДА) 11:00 ч.
16 ЈАНУАРИ (ЧЕТВРТОК) 14:00 ч.
КИНО УТРО
ДЕДО МРАЗ СУПЕР ХЕРОЈ
(SuperKlaus)
Игран анимиран филм, САД,
2024, 86 мин., колор, ДЦП
Режисер: Стив Меџури, Андреа Себастиа (Steve Majaury, Andrea Sebastiá)
Сценарио: Хозе Анхел Хуанес, Харланд Вилијамс, Рафаел Азкарага (José Ángel Juanes, Harland Williams, Rafael Azcárraga)
Желбата на Дедо Мраз се остварува кога случајно ќе си ја удри главата и ќе почне да верува дека е Супер херој. Со помош на Били и Лео, неговиот елф-извршен асистент, Дедо Мраз супер херојот ќе се соочи со бизнисмен опседнат со играчки за да го спаси Божиќ.
Возрасна категорија: 7 години
Влезница: 150 денари
13 ЈАНУАРИ (ПОНЕДЕЛНИК) 14:00 ч.
КИНО УТРО
СОНИШТАТА НА ЕДЕН РОБОТ
(Robot Dream)
Анимиран филм, Франција, Шпанија
2024, 90 мин., колор, ДЦП
Режисер: Пабло Бергер (Pablo Berger)
Сценарио: Пабло Бергер, Сара Варон (Pablo Berger, Sara Varon)
Кучето живее на Менхетен и е уморно од осамениот живот. Еден ден решава да си направи пријател – робот. Нивното пријателство цвета сè додека не станат неразделни, водејќи живот карактеристичен за Њујорк во осумдесеттите години на минатиот век. Една ноќ кучето е принудено да го остави роботот на плажа, што многу го растажува. Дали тие двајца некогаш повторно ќе се сретнат?
Филмот СОНИШТАТА НА ЕДЕН РОБОТ е базиран на графичкиот роман на Сара Варон.
Возрасна категорија: 7 години
Влезница: 150 денари
