Македонски
Американската амбасадорка Анџела Агелер вчера беше во посета на Центарот за управување со кризи.
Директорот на ЦУК, Стојанче Ангелов ја запозна Агелер за претстојните реформи во кризниот менаџмент и цивилната заштита и подготовките за справување со пожарите на отворен простор, капацитетите и ресурсите на државата, како и со искуствата од безбедносните предизвици и кризните состојби во земјата.
За континуираната поддршка во обука, опрема и инфраструктурни инвестиции од САД, Ангелов изрази особена благодарност и верба дека соработката ќе добива нови содржини.
Агелер го посети Секторот 112, како еден од најзначајните проекти за обезбедување итна помош на лица во опасност, и во разговорот со вработените се запозна со одговорноста да се биде гласот за помош во секое време.
