Македонски
„Жиголо“ – премиера што ќе ве натера да гледате подолго од дозволеното
Некои приказни се раскажуваат низ шепот. Некои гласно. А некои – остануваат да висат во воздухот, чекајќи некој да ги погледне во очи. „Жиголо“ не е претстава што само се гледа, туку претстава што ве гледа вас.
Со остар хумор и вознемирувачка искреност, на сцената се отвораат прашања што можеби сте се плашеле да си ги поставите. Каде завршува фасадата и почнува вистината? Дали сме она што другите гледаат, или она што си кажуваме себеси кога никој не нè гледа?
Седиштата се нумерирани. Маските не се.
На ваков начин, публиката беше заинтригирана неколку недели, пред најавената премиера. А на вчерашниот прес во Народниот театар Битола, беше објавено дека сите најавени изведби се распродадени.
Театар што го предизвикува времето
„Жиголо“ е многу повеќе од претстава– тоа е процес на сцена што продира длабоко во човековата природа, во изборите што ги правиме за љубовта, границите што сме спремни да ги преминеме и начинот на кој гледаме на менталното здравје, моралот и сопствената вистина. Главниот лик носи одлука што ја преместува тенката линија меѓу љубовта и компромисот – дали да го следи традиционалниот пат или да прифати улога што општеството ја осудува?
„Дали сум среќен? Зошто лажам? Кој сум вистински јас?“ – ова не се само прашања на ликот, туку и прашања што ќе ги постави секој гледач.
„Жиголо“ – кој кого гледа?
Луѓето сакаат тајни. Сакаат да ги чуваат, но уште повеќе сакаат да ги откриваат. „Жиголо“ е претстава што не остава простор за тајни – сè е таму, на сцената. Блиску. Опипливо. Ликовите зборуваат, но нивните мисли зборуваат погласно.
Како изгледа светот кога веќе не можеш да направиш разлика меѓу маска и лице? Кога животот станува сценарио, а сцената – единственото место каде што можеш да бидеш искрен?
Актерите – 60 денови во тотална посветеност
Една од главните теми на пресот беше интензивниот процес на работа. Актерската екипа поминала 60 денови во ритам целосно посветена на претставата, истражувајќи нови актерски патишта и границите на сопствената уметност. Самиот режисерски пристап е необичен – тој не бара класично толкување на улогите, туку емоционална искреност што допира до срцето на гледачот.
Театарот е жив – и тоа се докажува со распродадени претстави, пред самата премиера
Додека живееме во време на доминантни дигитални медиуми и отапени чувства, театарот докажува дека контактот во живо останува незаменлив. Овој огромен интерес за „Жиголо“ е потврда дека театарската магија не исчезнува, туку станува посилна.
Ако не успеавте да набавите билет – останува само да се надевате на дополнителни изведби. Народниот театар Битола повторно создаде претстава што станува настан за кој се бара билет повеќе.
Тимот на „Жиголо“
Автор: Игор Кузмановски
Режисер и костимограф: Благој Мицевски
Драматург: Оливера Павловиќ
Автор на музиката: Марјан Нечак
Сценограф: Сергеј Светозарев
Дизајнер на видео: Владимир Перевоски
Светло-мајстор: Игор Мицевски
Тон-мајстор: Николчe Терзиевски
Автор на плакатот и видео камера: Сашо Илковски
Монтажа на видео: Марјан Георгиевски
Реквизитер: Спасе Петрушевски
Шминка: Стефанија Илиевски
Актерска екипа:
Франческо – Марјан Георгиевски
Амели – Марија Стефановска
Карине – Маја Андоновска Илијевски
Оливие – Никола Пројчевски
Елиса – Соња Михајлова
Суфлер: Гордана Михајловска
Инспициент: Оливер Петровски
Продукција: НУ Народен театар Битола
Премиера: 1.3.2025
