Македонски
Галеријата „Метаноја“ денеска организира промоција на збирката илустрации и текстуални минијатури „Метафора – жито, какол и парчиња стакло“ од Марко Трпески, заедно со изложба на дигитални графики од циклусот „Метафора“. Настанот ќе се одржи денес на 5 февруари 2025 година во 19:00 часот во галеријата „Метаноја“ на ул. Максим Горки 19.
За објавената збирка ќе говорат акад. Влада Урошевиќ и Оливера Ќорвезироска. Визуелно-словесното доживување ќе биде збогатено со музички соло настап на Филип Букршлиев
Авторот Трпески за неговото најново дело вели: „Станува збор за уште еден спој меѓу визуелната и книжевната уметност преку кој Трпески ги поканува читателите во својот креативен универзум. Оваа книга, своевидно продолжение на неговото дебитантско дело „Метафора – поглед зад огледалата“, нуди нови психолошки длабочини и надреалистички израз.“
Марко Трпески (1990, Скопје) е визуелен уметник и графички дизајнер со посебен фокус на книжевната илустрација. Добитник е на неколку награди за најдобар дизајн на корица на книга. Предавач е во областа на дигиталната илустрација, основач на креативното студио „Метафора“ и еден од основачите на неформалниот колектив за колаж „Скопје колаж колектив“. За себе вели дека е хобистички трагач и несертифициран, но страстен собирач на метафори.
Ќе ни биде особена чест доколку на Вашиот медиум го најавите или пак го проследите овој настан.
