Македонски
Руската амбасада во Велика Британија денеска предупреди дека секој воен потег на Велика Британија или НАТО против руска територија ќе биде одговорен со сите расположиви средства, вклучително и нуклеарно оружје.
„Оние кои се залагаат за планови за блокирање или напад врз Калининград не треба да имаат илузии за последиците. Секоја воена акција на Велика Британија или НАТО против руска територија ќе биде одговорена со сите расположиви средства, вклучително и нуклеарно оружје“, се вели во соопштението на амбасадата, објавено на Телеграм.
Амбасадата реагираше на текстот на британскиот весник „Ај Пепер“ за можноста за блокада на Калининград од страна на НАТО, како и на прилог на телевизијата Скај њуз за хипотетичко сценарио на воен конфликт.
