Македонски
Златко Перински оствари средба со д-р Аким Али, претставник на Светската здравствена организација и раководител на Канцеларијата на СЗО во Македонија.
На средбата се разговарало за актуелните состојби во здравствениот систем, предизвиците со кои се соочува земјата, како и за областите во кои може да се постигне конкретен напредок.
Перински нагласи дека Светската здравствена организација е значаен партнер на Македонија во спроведувањето на здравствените реформи.
– За Фондот ваквата соработка е особено значајна, затоа што ни овозможува искуствата и добрите меѓународни практики да ги преточиме во решенија што одговараат на реалните потреби на нашиот здравствен систем – објави Перински.
Средбата била насочена кон продлабочување на соработката и користење на меѓународните искуства при креирањето решенија за подобрување на здравствениот систем.
