Македонски
Крива Паланка свечено ја отвора новогодишната празнична програма со спектакуларен концерт на еден од најпопуларните регионални поп-изведувачи – Мирза Селимовиќ.
На 27 декември 2025 година (сабота), со почеток во 19:00 часот, Градскиот плоштад ќе биде центар на празничната еуфорија, каде што публиката ќе има можност да ужива во жив настап на уметникот, чии емоционални балади и хитови ги освојуваат сцените низ целиот Балкан.
Концертот на Мирза Селимовиќ е дел од официјалното отворање на Новогодишниот базар во Крива Паланка, кој ќе понуди богата празнична атмосфера, со светлосни декорации и содржини за сите генерации. Настанот најавува незаборавна вечер исполнета со музика, емоции и заедничко празнично прославување.
Општина Крива Паланка најавува прекрасна забавна вечер што не се пропуша и упатува отворена покана до сите граѓани и посетители да бидат дел од најсветлиот и најемоционален почеток на новогодишната магија во Крива Паланка.
