Македонски
Се разобличуваат скандалите од времето кога СДС беше власт, и сето тоа е показател за структурниот хаос, распаднатите институции и неодговорноста на СДС, реагираат од ВМРО-ДПМНЕ.
Оттаму велат дека случајот со стоковите резерви е само уште едно потсетување дека институциите под контрола на СДСМ функционирале само како импровизирани конструкции без механизми за одговорност.
Отписот на 2000 тони пченица и јачмен од стоковите резерви, преку Трајан Димковски, тогашен заменик министер за земјоделство, па потоа истите количини најверојатно завршувале на црниот пазар во соседна држава, алудираат дека ова е организирана злоупотреба од страна на тогашната власт.
И покрај укажувањата дека пченицата постоела и била употреблива, направен е записник што го тврди спротивното, т.е документ со контрадикции, кој сепак е прифатен на владина седница.
Тоа значи дека Заев, Николовски и актуелниот претседател на СДС во опозиција, Венко Филипче, како дел од тогашната владина структура, формално легитимирале документ што не кореспондирал со фактичката состојба на терен.
А сега Филипче, преку развлечени прес излагања се обидува да се позиционира како опозициски коректив?“, се наведува во реакцијата на ВМРО-ДПМНЕ.
Од партијата истакнуваат дека не може некој кој лично учествувал во систем што дозволил вакви пропусти да биде коректив.
Ако СДС има намера да се реформира и да стане релевантен политички субјект во земјава, мора да покаже зрелост и да се огради од сите функционери на минатата власт.
Тоа подразбира дистанца од Заев, Николовски, а и од Филипче, бидејќи тоа се фигури кои го спречуваат секој обид за вистински реформи во партијата“, реагираат од ВМРО-ДПМНЕ.
