Македонски
Ви откриваме рецепти за 3 посни салати со комплетно различни вкусови
За време на посните денови и празничните собири, салатите се вистински спас – може да послужат како предјадење и лесна вечера, а притоа совршено одат со сите видови посни специјалитети. Ви откриваме три одлични рецепти што сигурно ќе ги засакате: од класичниот шарм на посната руска салата, преку кремливата салата со пченка и кикирики до освежителната верзија на ѕаѕики со туна и тестенини.
Едноставно се приготвуваат, не одземаат многу време, а ќе изгледаат како многу да сте се потрудиле!
Посна салата со пченка (кремлива и кркцава)
Состојки:
450 г пченка шеќерец
2 моркова
250 г печени кикирики – 200 г мелени + 50 г сечкани
1-4 лажици печен сусам
300-450 г посен мајонез
сол по вкус
маслинки или друго за декорација (по желба)
Приготвување:
Сварете пченка и морков, па исечкајте го морковот на ситни коцки.
- Измешајте ги пченката и морковот, па додајте мелени и сечкани кикирики и сусам.
- Посолете по вкус, додајте мајонез и убаво соединете.
- По желба, декорирајте со маслинки и послужете ја добро разладена.
Посна руска салата (класична, а совршена)
Состојки:
450 г мешан зеленчук за руска салата или 2 компира, 2 моркова и 1 шолја грашок
100 г обарена соја во парче (згответе ја сол и сув зачин)
3-6 кисели краставички
половина главица кромид (виолетов или обичен)
1 лажиче сенф
200-400 г посен мајонез
сол и бибер по вкус
Приготвување:
- Обарете го зеленчукот за руската салата, исцедете го и оставете го да се олади.
- Сварете ја сојата, исечкајте ја на коцки и додајте ја во зеленчукот.
- Исечкајте краставички и кромид, па додајте ги во чинијата.
- Додајте сенф и мајонез и добро соединете.
- Зачинете со сол и бибер по вкус и разладете пред послужување.
Освежителна посна ѕаѕики-салата со туна
Состојки:
200 г посни тестенини
200 г туна во парче или парчиња
пола свежа краставица
пола главица кромид
50-100 мл течност од кисели краставички
200 мл соин посен јогурт (или повеќе течност од краставичките + малку лимон)
3 полни лажици посен мајонез
прстофат лук во гранули (по желба)
сува или свежа мирудија (по вкус)
сол по потреба
Приготвување:
- Сварете ги тестенините, исцедете и оставете ги да се оладат.
- Додајте исцедена туна и ситно сечкана свежа краставица.
- Додајте сечкан кромид, течност од краставичките или посен јогурт.
- Додајте мајонез, мирудија и малку лук во гранули.
- Внимателно промешајте и по потреба досолете. Разладете пред послужување.
