Македонски
Ако сте љубители на слатки, а сакате нешто лесно, природно и брзо за подготовка — овие какао банана топчиња се идеален избор. Без додаден шеќер, без печење, со состојки што секогаш ги имате дома.
Состојки:
- 2 зрели банани
- 150 грама мелени бисквити
- 50 грама мелени ореви или лешници
- 50 грама суво грозје (по желба)
- какао во прав (за валкање)
Подготовка:
Изгмечете ги бананите со виљушка додека не добиете хомогена смеса. Постепено додавајте ги мелените бисквити и мешајте. Додадете ги мелените ореви или лешници и сувото грозје по желба. Смесата треба да биде доволно густа за обликување, но не пресува. Со влажни раце формирајте мали топчиња (околу 20 средни по оваа мерка), и валкајте ги во какао во прав.
Ставете ги топчињата во фрижидер најмалку 30 минути пред сервирање.
Совет:
Горчината од какаото одлично се надополнува со природната сладост на бананата. Топчињата се сочни внатре, а однадвор имаат богат вкус на какао — совршен баланс!
