Захарова: Мировната иницијатива на Париз и Лондон е само купување време за да се спречи украински колапс

 Русија соопшти дека француската и британската мировна иницијатива за Украина е обид да се купи време за да се спречи колапс на украинската војска.

Всушност, имаат отворена желба под било која цена да постигнеме пауза за киевскиот режим кој е  на умирање, за украинските вооружени сили, за да се спречи колапс на бојното поле, изјави портпаролката на руското Министерство за надворешни работи, Марија Захарова.

Таа посочи дека официјална Москва е заинтересирана за конечно решение на војната, а не за пауза што ќе и помогне на Украина.

Потребни се цврсти договори за конечното решение. Без сето тоа, какво било паузирање или прегрупирање е апсолутно неприфатливо бидејќи тоа ќе доведе до сосема спротивен резултат, изјави Захарова.

Британскиот премиер Кир Стармер изјави дека Лондон и Париз ќе работат на мировниот договор со Украина и ќе му го претстават на американскиот претседател Доналд Трамп. Францускиот претседател Емануел Макрон изјави дека двете земји предлагаат делумен едномесечен прекин на огнот меѓу Русија и Украина.