Уапсени 20 лица во Европа и Америка за дистрибуција на слики со сексуална злоупотреба на деца

Freepik

Интерпол денеска соопшти дека 20 лица се уапсени во Европа и Америка поради дистрибуција на материјали со сексуална злоупотреба на деца.

Апсењата следуваа по операција во 12 земји, предводена од шпанската полиција. Операцијата започна кон крајот на минатата година, откако полицијата идентификуваше онлајн групи за размена на пораки преку кои се ширеле слики со сексуална злоупотреба на деца.

Шпанските власти уапсија седум осомничени, меѓу кои здравствен работник и наставник. Здравствениот работник наводно плаќал на малолетници од Источна Европа за експлицитни слики, додека наставникот е обвинет за поседување и споделување материјали преку различни онлајн платформи.

Во Латинска Америка се уапсени 10 осомничени во седум земји, вклучувајќи тројца во Ел Салвадор и наставник во Панама. Останатите осомничени се уапсени во други делови на Европа и САД.

Интерпол идентификуваше уште 68 осомничени, а истрагите продолжуваат.