Трамп се дружеше со специјалците кои го заробија Мадуро

Американскиот претседател Доналд Трамп објави фотографија со припадниците на специјалните сили кои учествуваа во операцијата за апсење на претседателот на Венецуела, Николас Мадуро.

Трамп соопшти дека американската операција „Апсолутна решителност“ траела 42 минути, од потиснување на системите за воздушна одбрана и силните радио-електронски пречки до заробувањето на Николас Мадуро и повлекувањето на американските сили од Венецуела.

На американските напади врз Венецуела им претходел масовен кибернапад кој ја оневозможил електричната мрежа на земјата и ја прекинал струјата во клучните воени бази.

Американските специјални сили тренирале во последните неколку месеци за да ја нападнат резиденцијата на Мадуро во специјално изграден објект кој точно го реплицира распоредот на палатата.