Македонски
Поранешната премиерка на Бангладеш и лидерка на опозицијата, Халеда Зија, е во критична состојба во болница во Дака, јавија британските медиуми.
Во меѓувреме, нејзиниот протеран син и привремен лидер на Националистичката партија на Бангладеш (БНП), Тарик Рахман, на Фејсбук напиша дека неговото враќање во земјата „не зависи целосно од него“.
Според лекарите и високите партиски функционери, 80-годишната Зија била примена во приватна болница минатата недела со сериозна инфекција што ги зафатила срцето и белите дробови.
Нејзиното влошување на здравствената состојба доаѓа во чувствителен момент за партијата, која се враќа на нозе по соборувањето на долгогодишната премиерка Шеик Хасина во студентските немири минатата година, која беше осудена на смрт.
Часови подоцна, привремената влада, предводена од Мухамед Јунус, изјави дека „нема ограничувања или забелешки“ за враќањето на Тарик Рахман во Бангладеш.
