Skip to main content

Метју Витакер ќе биде новиот амбсадор на САД во НАТО

Facebook/U.S. Mission to NATO

Метју Витакер, поранешен вршител на должноста генерален обвинител во првата администрација на Доналд Трамп, синоќа беше потврден од Сенатот за нов амбасадор на САД во НАТО. За неговата нова функција гласаа 52 сенатори, додека 45 се изјаснија „против“.

Иако има ограничено искуство во надворешна политика, Витакер на сослушувањето изјави дека ќе се залага членките на НАТО да ги зголемат своите одбранбени трошоци и ја истакна посветеноста на САД кон алијансата. Тој го поддржа принципот на „мир преку сила“ и рече дека обврската на САД кон НАТО, особено преку Член пет, е „цврста како железо“.

Вети дека ќе ги повика сојузниците да трошат најмалку пет отсто од БДП за одбрана и постави прашање дали политичарите даваат вистински обврски или само празни ветувања.

Витакер беше номиниран од Трамп по неговата победа во 2024 година, а претходно служеше како шеф на кабинетот на поранешниот генерален обвинител Џеф Сешнс и како федерален обвинител на Ајова. (МИА)

Поврзани вести