Македонски
Околу 9:30 часот утрово во улицата Rue de Varenne во Париз се запалило бело комбе. Инцидентот се случил во близина на хотелот Matignon, каде премиерот во заминување Себастијан Лекорну требал да се сретне со шефот на Сенатот Жерар Ларшер и претседателката на Националното собрание Јаела Броан-Пиве. Во истиот хотел се наоѓа и канцеларијата на Лекорну.
На неколку видеа објавени на социјалната мрежа X се гледа црн чад кој излегува од страничните врати на комби-то на компанијата Cielis, задолжена за уличното осветлување во Париз. Поставен е безбедносен периметар, известува Le Parisien.
Incendie en cours rue de Varenne à Paris, une camionnette prend feu à quelques dizaines de mètres de Matignon où sont réunis Sébastien Lecornu, Gabriel Attal et Edouard Philippe notamment @franceinfo pic.twitter.com/aN9dOOlL3F
— AudreyTison (@AudreyTison) October 7, 2025
Париската противпожарна служба соопшти дека пожарот не се проширил на соседните објекти и брзо бил изгаснат. Според противпожарецот на лице место, експлозиите кои се слушнале биле детонации на мали аеросолни контејнери, а не на гас.
Се претпоставува дека опремата на компанијата, која се користи за откривање на кратки споеви, се запалила и пламенот се проширил по возилото. Покрај комби-то, се изгорела и шатрата на блиската продавница за сирење. Нема повредени лица.
