Македонски
Висок функционер на либанското движење Хезболах, Наваф ал-Мусави, денеска ги предупреди САД против каков било чин на агресија против Иран, нагласувајќи дека тоа може да „предизвика вулкан“ во регионот, односно да предизвика широк регионален конфликт.
Како што рече, Иран станува цел на западните сили секој пат кога покажува независност во донесувањето одлуки, објави иранската мрежа Прес ТВ.
„Вашингтон се обидува да го собори политичкиот систем во Иран уште од победата на Исламската револуција во 1979 година“, рече Мусави, додавајќи дека тие се потпираат на израелскиот режим да го понесе товарот на конфликтот и да ја плати потребната крвава цена.
Тој, исто така, оцени дека, иако Вашингтон би можел да започне непријателска акција против Иран, таков удар нема да биде доволен за соборување на исламскиот естаблишмент.
„Она што ги спречува САД е нивната неспособност да ги предвидат последиците од нападот“, тврди Мусави.
На прашањето дали Хезболах ќе интервенира во случај на американски напад врз Иран, Мусави рече дека „тој мост ќе биде поминат кога ќе се стигне до него“.
