Црвениот крст, Хамас и египетски тим во потрага на телата на израелските заложници во Појас Газа

Претставници на Црвениот крст, египетски тим и еден припадник на Хамас вклучени се во потрагата по телата на израелските заложници во Појасот Газа.

Тимовите за пребарување, опремени со градежна опрема, добија дозвола од израелските вооружени сили да влезат „преку жолтата линија под строг надзор на израелската армија за да ја идентификуваат локацијата на заложниците, изјави портпаролот на израелската Влада, Шош Бедросијан.

И Црвениот крст потврди дека учествува во потрагата.