Вака ќе изгледа првата подземна сообраќајница во Скопје

Со официјалното означување на стартот на градежните активности, денеска започна реализацијата на првата фаза од булеварот „Македонија“, еден од најзначајните инфраструктурни проекти за Скопје. Почетокот на работите беше најавен во присуство на премиерот Христијан Мицкоски, а од Град Скопје истакнаа дека со овој проект главниот град влегува во нова етапа на современ урбан развој.

Градоначалникот нагласи дека станува збор за проект кој со години бил во застој, но кој сега добива јасна динамика и визија, посочувајќи дека зафатот има суштинско значење за идната сообраќајна слика на Скопје.