Стевче Трпковски нов директор на „Дрисла“, Владимир Кроневски на „Градски паркинг“

Градоначалник на Град Скопје, Орце Ѓорѓиевски изврши кадровски промени во јавните претпријатија „Дрисла“ и „Градски паркинг“.

Поранешен градоначалник на Општина Сопиште, Стевче Трпковски е назначен за нов директор на ЈП „Дрисла“, а за нов директор на ЈП „Градски паркинг“ е именуван Владимир Кроневски, потврдија за МИА од Град Скопје.

Овие нови назначувања, како што велат од Град Скопје, се дел од кадровските усогласувања пред новиот циклус урбани и комунални проекти во главниот град.