Skip to main content
ЛИЧНОСТ НА НЕДЕЛАТА

Неподмитливиот Димче и владата која сепак ја има без Левица

Премиерот Христијан Мицкоски на собраниска говорница вчера покажа документи поврзани со Левица и нејзиниот лидер Димитар Апасиев, со кои тврди дека партијата на 26.11.2024 година купила деловен имот од 409 метри квадратни на Адвокатска улица зад седиштето на зградата на компанијата А1, верувале или не, за цена од 200.000 евра.

Затоа неделава личност на неделата е токму:

Димитар Апасиев

Не би требало рубриката да ја користиме на небитни ликови, но ете лидерот кој не сака да го викаат Димче, но затоа „к*ртон“ му е омилен прекар за останатите, неделава беше прозван и од самиот премиер. За некој кој се чука во гради дека е вистински левичар и секогаш на страната на работниците, тешко дека ќе може да објасни како само за него не важат цените на како што самиот ја кажува – градежната мафија во Скопје.

Мицкоски на собраниската седница искажа сомневање за кривично дело при купување деловен простор по ниска цена во центарот на Скопје преку Универзална инвестициска банка.

Политичката партија Левица купила деловен имот од 409 метри квадратни на адвокатската улица за 295.000 евра со ДДВ или 721 евро во центар на Скопје. Ќе ви кажам какво е ова кривично дело. Градот Скопје ви пресметал цена квадрат од 1.150 евра, па сте платиле данок во вредност од 739.285 денари. Ќе видиме дали е кога ќе се позанимаваат органите. Тоа што јас можам да ви го кажам е дека со криминалците нема играње, вклучително и со оние кои се потенцијални криминалци. Без разлика од која политичка партија доаѓаат, дали се од СДСМ, дали се од ДУИ, Левица или од ВМРО-ДПМНЕ, рече Мицкоски.

Апасиев, пак, одговори дека партијата Левица купила подрумски простории со приземје и дека тоа е причината за ниската цена.

Ама, пратеникот на ВМРО-ДПМНЕ, Никола Мицевски, откри уште една пикантерија околу овој имот.

Дополнително, „неподмитливиот“ професор по право, Димче Апасиев, овој деловен простор го купил токму од истиот ИЗВРШИТЕЛ кој што на сличен начин ја продаде Соравија на Дрин Ахмети! Да, истиот тој „неподмитлив и принципиелен“ пратеник и политичар, кој со години ги лаже граѓаните и јавноста дека е против извршителите, вели Мицевски.

Тој понатаму порача дека очигледно за Димче извршителите се лоши, освен кога нудат „добра бизниз зделка по супер евтина цена!“

„Неподмитливи“, принципи и вредности не се менуваат во зависност од денот и личниот интерес, туку тие или ги имаш – или ги немаш, коментира Мицевски.

На јавноста, пак, доволно ѝ е да знае дека единствените кои може да си го дозволат тој луксуз да купуваат имоти во строг центар по оваа цена се Левица и братот на Артан Груби (за потсетување тука).

Но, не е само овој скандал со кој Апасиев заслужи да се потрошат и на него два-три збора. Неодамна тој со неговите поданици реши да се обиде политички да профитира на најголемата трагедија која ѝ се случила на Македонија.

Имено, на социјалните мрежи се појави видео од групен разговор меѓу македонски и српски студенти кои се договараат како да предизвикаат немири на протестите во Скопје кои, секако, неславно им пропаднаа. Он лајн состанокот го координира извесна Сташа Цветковиќ студентски инструктор од Србија а во „чатот“ учестуваат Кирил Митановски од Црвената младина на Левица, кој отворено призна дека е дел од партијата. Таа ги советува никако да не бараат оставка од премиерот или министри по трагедијата во Кочани, туку е потребно да има долга криза.

Арно ама, убаво се сеќаваме што ни донесе Шарената револуција. Гледаме и што стана со еден од предводниците на тие протести – „неподмитливиот“. Граѓаните не паднаа на обидите на „скроз неполитичкото граѓанското здужение“ – Кој е следен?. Левица не успеа да ја разниша довербата во новите власти, ниту преку газење на мртви луѓе да стигне до она што го сака.

И владата се направи и цврсто тера без Левица.

Поврзани вести