Македонски
МЕФ Енергетскиoт Форум се враќа по осми пат, зацврстувајќи ја позицијата на Скопје како клучен центар за дискусии за енергетската транзиција во Западниот Балкан и пошироко. Форумот, кој ќе се одржи на 16-17 јуни 2025 година, ќе претставува динамична платформа каде иновативните идеи се претвораат во конкретни акции, усогласувајќи ги регионалните цели со глобалните напори за одржливост.
МЕФ25 ќе се фокусира на инспиративни разговори и поставување на конкретни акции за тројно зголемување на капацитетот за обновлива енергија, со цел да се одговори на зголемените потреби на регионот. Дискусиите ќе ги разгледаат и можностите за примена на револуционерни технологии кои ќе ги поттикнат иновациите во енергетскиот сектор, како и иницијативите за создавање цврсти индустриски темели за одржлив развој.
Форумот ќе стави акцент на зајакнување на конкурентноста за да го позиционира Западниот Балкан како предводник во глобалната енергетска транзиција, истовремено обезбедувајќи енергетска ефикасност и пристап до чиста енергија низ целиот регион. Ова е исклучителна шанса да се стане дел од движење предводено од иновации, соработка и паметни инвестиции, каде Западниот Балкан не само што се прилагодува на енергетската иднина, туку и ја обликува.
Клучни цели на МЕФ 2025:
- Поттикнување на засилена соработка меѓу земјите од Западниот Балкан во услови на променлив геополитички контекст
- Усогласување на регионалните приоритети со целта за целосна декарбонизација до 2050 година
- Поддршка на локалната и регионалната индустријализација
- Охрабрување на продуктивни дискусии, партнерства и идни иницијативи поврзани со технолошки иновации и примената на вештачката интелигенција во енергетиката
МЕФ 2025 е организиран од Институтот ЗИП и Делегацијата на Европската Унија, со поддршка од Фондацијата Отворено Општество за Западен Балкан. Форумот се одржува под покровителство на Првиот Заменик Претседател на Владата Изет Меџити и Министерката за Енергетика Сања Божиновска, што ја нагласува неговата важност и силната посветеност кон енергетската иднина на регионот.
Настанот ќе собере истакнати гости од Западниот Балкан, Турција, земјите од ЕУ, Либан, Обединетите Арапски Емирати и други региони, гарантирајќи разновидна и влијателна размена на идеи.
