Урнебесната комедија „Стилист“ вечерва на репертоарот на струмичкиот театар

Вечерва во Театарот Антон Панов во Струмица, со почеток во 20:00 часот, ќе биде изведена урнебесната комедија „Стилист“.

Тргнете ги настрана за миг сите грижи, дотерајте се и со добра мисла и ведар дух, зачекорете накај театарот оваа вечер и поминете прекрасни мигови исполнети со уживање и смеа. Повелете на репризата на „Стилист“, хит-претстава, режирана од најталентираниот современ македонски режисер на комедии – Синиша Евтимов.

Играат Стојан Велков –Трн,Танкица Стојанова, Оливера Аризанова, Игор Тодоров, Васил Михаил, Јулија Милкова, Коста Ангов, Ангелина Тренчева-Ангелова и Анкица Бенинова. Сценографијата е на Илина Ангеловска, а костимите на Ванчо Василев.

Цената на билетот изнесува 250 денари. Билетот за ученици, студенти и пензионери е 100 денари.