Премиерна изведба на претставата „Снежана и седумте џуџиња“ во Народниот Театар во Битола

Почитувани љубители на театарот, ве покануваме на премиерната изведба на претставата „Снежана и седумте џуџиња“, која ќе ве поведе на едно незаборавно патување низ магичниот свет на бајките. Понеделник 23 декември 2024 година во 18:00 часот во Народен театар Битола.

Оваа омилена бајка по текст од Љубивоје Ршумовиќ, оживеана на сцената под режисерската палка на Драгана Милошевска Попова, е претстава која преку хумор, емоции и магија ги пренесува најубавите пораки за љубовта, пријателството и храброста.

Со иновативна сценографија, костими кои го будат духот на бајките и изведби кои ќе ве остават без здив, оваа претстава ветува вечер полна со насмевки и магични моменти.

Карти достапни на билетарницата на Народен театар Битола или онлајн на нашата веб-страница https://narodenteatarbitola.com/events/shezhanai7dz/

Остануваат уште мал број на влезници, не ја пропуштајте оваа магична премиера која ќе ги воодушеви сите генерации – од најмалите до оние кои се уште веруваат во бајките!