„Панонскиот адмирал“ – промоција на книга за Ѓорѓе Балашевиќ во Дајмонд мол

Арс Ламина

Долгоочекуваната книга посветена на Ѓорѓе Балашевиќ, „Панонскиот адмирал“ од Иван Ивачковиќ, ќе биде промовирана на 4 април (петок) во 20 часот, во рамки на второто издание на фестивалот за литература и општа култура „Видик“, во книжарницата „Литература.мк“ во „Дајмонд мол“. Промоторка на македонското издание на книгата ќе биде Бисера Бендевска.

Во продолжение ќе се одржи музички настап со песни од Ѓорѓе Балашевиќ, во изведба на бендот Rumble Acoustic во состав: Трајче Стојанов и Александар Јовановски.

Фестивалот трае до 16 април и годинава ќе има и хуманитарен карактер, имено, средствата од продадените билети за музичките и театарските настани ќе бидат наменети за настраданите во несреќата во Кочани.